நுகர்வோர் சட்டங்களை மீறும் வர்த்தகர்களுக்கு எதிராக புதிய சட்டங்களை விதிப்பது தொடர்பில் பொது மக்களின் அபிப்பிராயத்தை வினவும் நடவடிக்கைகள் ஆரம்பிக்கப்பட்டுள்ளதாக கைத்தொழில் மற்றும் வணிக விவகார அமைச்சு குறிப்பிட்டுள்ளது.

நுகர்வோரின் பாதுகாப்பை உறுதிசெய்வதற்காக இந்த நடவடிக்கை எடுக்கப்பட்டுள்ளதாக அமைச்சின் செயலாளர் சிந்தக லொக்குஆராச்சி தெரிவித்துள்ளார்.

இதேவேளை, கட்டுப்பாட்டு விலையை விடக் கூடுதல் விலையில் அரிசி உள்ளிட்ட உணவுப் பொருட்களை விற்பனை செய்கின்றவர்களை கைதுசெய்வதற்கான திடீர் சோதனைகள் நாடளாவிய ரீதியில் முன்னெடுக்கப்பட்டுள்ளதாகவும் அமைச்சின் செயலாளர் கூறினார்.

நாட்டின் எந்தவொரு இடத்திலும் திடீர் சோதனைகளை மேற்கொள்ளும் வகையில், பிராந்திய சுற்றிவளைப்புப் பிரிவுகளுக்கு மேலதிகமாக, புதிய விசேட பிரிவொன்றை ஸ்தாபிக்கவும் நுகர்வோர் விவகார அதிகார நடவடிக்கை எடுத்துள்ளது.