வில்பத்து சரணாலயத்தில் வேட்டைக்குச் சென்ற பொலிஸ் உத்தியோகத்தர்கள் உள்ளிட்ட 10 பேர் கைது

வில்பத்து சரணாலயத்தில் வேட்டைக்குச் சென்ற பொலிஸ் உத்தியோகத்தர்கள் உள்ளிட்ட 10 பேர் கைது

எழுத்தாளர் Staff Writer

19 Feb, 2017 | 8:45 pm

அநுராதபுரம் – வில்பத்து சரணாலயத்தில் வேட்டைக்குச் சென்ற பொலிஸ் உத்தியோகத்தர்கள் உள்ளிட்ட 10 பேர், வனவிலங்குகள் திணைக்கள உத்தியோகத்தர்களால் கைது செய்யப்பட்டுள்ளனர்.

கைது செய்யப்பட்டவர்களில் புத்தளம் பொலிஸ் நிலைய பொலிஸ் உத்தியோகத்தர்கள் இருவரும் அடங்குவதாக வனவிலங்குகள் திணைக்கள பணிப்பாளர் நாயகம் டபிள்யூ.எஸ்.கே. பதிரண குறிப்பிட்டார்.

சந்தேகநபர்களின் வாகனத்தில் ஏற்றிச்செல்லப்பட்ட இரண்டு ஆமைகளையும் வனவிலங்குகள் திணைக்கள உத்தியோகத்தர்கள் கைப்பற்றியுள்ளனர்.

கைதுசெய்யப்பட்டவர்களில் புத்தளம் பொலிஸ் குற்றவிசாரணைப் பிரிவின் பொறுப்பதிகாரியாக கடமையாற்றும் பிரதம பொலிஸ் இன்ஸ்பெக்டர் மற்றும் உதவிப் பொலிஸ் இன்ஸ்பெக்டர் ஆகியோர் அடங்குவதாக பொலிஸார் தெரிவித்தனர்.

 


எங்கள் வலைத்தளத்தில் அல்லது வீடியோ செனலில் விளம்பரப்படுத்த ஆர்வமாக உள்ளீர்களா?
[email protected] இல் எங்களை தொடர்பு கொள்ளவும்