பிரிட்னி ஸ்பியர்ஸ் போல் தோற்றமளிப்பதற்காக 80,000 அமெரிக்க டொலர்கள் செலவு செய்த இளைஞர் (Photos)

பிரிட்னி ஸ்பியர்ஸ் போல் தோற்றமளிப்பதற்காக 80,000 அமெரிக்க டொலர்கள் செலவு செய்த இளைஞர் (Photos)

பிரிட்னி ஸ்பியர்ஸ் போல் தோற்றமளிப்பதற்காக 80,000 அமெரிக்க டொலர்கள் செலவு செய்த இளைஞர் (Photos)

எழுத்தாளர் Bella Dalima

04 Feb, 2017 | 4:12 pm

அமெரிக்காவைச் சேர்த்த பிரபல பாப் பாடகி பிரிட்னி ஸ்பியர்ஸின் தீவிர ரசிகர் ஒருவர் அவரைப் போலவே தோற்றமளிக்க 80,000 அமெரிக்க டொலர்களை செலவு செய்துள்ளமை பலருக்கும் ஆச்சரியத்தை ஏற்படுத்தியுள்ளது.

அமெரிக்காவின் கலிபோர்னியா மாகாணத்தைச் சேர்ந்தவர் பிரையன் ராய். மரிஜுவானா கலந்த உணவுப்பொருட்களைத் தயாரிக்கும் நிறுவனம் ஒன்றை நடத்தி வருகிறார்.

இவர் அமெரிக்காவின் பிரபல பாப் பாடகியும், நடிகையுமான பிரிட்னி ஸ்பியர்ஸின் தீவிர ரசிகராவார்.

அவரைப் போலவே தன்னுடைய உருவத்தை மாற்றிக்கொள்ள வேண்டுமென்று திட்டமிட்ட ராய், அதற்கான முயற்சிகளில் இறங்கினார்.
இதற்காக பல்வேறு விதமான சிகிச்சைகளில் அவர் ஈடுபட்டார்.

முதற்கட்டமாக உடல் எடை கூட்டும் ஊசிகள், மூக்கு அறுவை சிகிச்சை, உடலில் வளந்துள்ள அதிகப்படியான முடியை நீக்க லேசர் கதிர் சிகிச்சைகள், உதடு சீரமைப்பு சிகிச்சைகள், பின்புறத்தைப் பெரிதாக்கும் ஊசிகள் என மொத்தமாக 90 முறை பிளாஸ்டிக் சர்ஜரி சிகிச்சைகளை மேற்கொண்டுள்ளார்.

இத்துடன், அவர் நின்றுவிடவில்லை. தன்னுடைய தோலை இளமையாக வைத்திருக்க பல்வேறு விதமான க்ரீம் மற்றும் லோஷன்களையும் பயன்படுத்துகிறார். இதற்காக மாதமொரு பெரிய தொகையை செலவிடுகிறார்.

தன்னுடைய வளர் இளம்பருவத்தில் தன்னை முழுமையாக அறிந்துகொள்வதற்கு பிரிட்னி ஸ்பியர்ஸ் பெரிதும் உதவினார் என்று கூறும் ராய், தற்பொழுது வெஸ்ட் ஹாலிவுட் பகுதிகளில் உள்ள இரவு விடுதிகளில் பிரிட்னி ஸ்பியர்ஸின் பிரபலமான பாடல்களுக்கு நடனமாடுவதை வழக்கமாகக் கொண்டுள்ளார்.

1 2 3 4 5 6


எங்கள் வலைத்தளத்தில் அல்லது வீடியோ செனலில் விளம்பரப்படுத்த ஆர்வமாக உள்ளீர்களா?
[email protected] இல் எங்களை தொடர்பு கொள்ளவும்