மரண தண்டனையை ஆயுள் தண்டனையாக மாற்றுமாறு பரிந்துரை: பாராளுமன்றில் சமர்ப்பிக்கப்படவுள்ளது

மரண தண்டனையை ஆயுள் தண்டனையாக மாற்றுமாறு பரிந்துரை: பாராளுமன்றில் சமர்ப்பிக்கப்படவுள்ளது

எழுத்தாளர் Bella Dalima

15 Feb, 2017 | 8:57 pm

மரண தண்டனையை ஆயுள் தண்டனையாக மாற்றுவதற்கான சந்தர்ப்பங்களை ஆராய்வதற்கு அமைச்சரவையில் யோசனை முன்வைக்கப்பட்டுள்ளதாக இன்று (15) நடைபெற்ற அமைச்சரவைத் தீர்மானங்களை அறிவிக்கும் ஊடக சந்திப்பில் தெரிவிக்கப்பட்டது.

சிறைச்சாலை மறுசீரமைப்பு தொடர்பான யோசனைகளை முன்வைப்பதற்கு நியமிக்கப்பட்ட செயலணி இதனைப் பரிந்துரைத்துள்ளது.

இந்த பரிந்துரைகளை அமைச்சர்களான விஜேதாச ராஜபக்ஸ மற்றும் டி.எம் சுவாமிநாதன் ஆகியோர் நேற்று (14) அமைச்சரவையில் முன்வைத்துள்ளனர்.

மரண தண்டனையைக் குறைத்தல், சிறைத்தண்டனைக்கு பதிலாக சமுதாய அடிப்படையிலான சீர்திருத்த முறைகளை பயன்பெறும் வகையில் நடைமுறைப்படுத்தல், அபராதம் செலுத்த முடியாதவர்களுக்கு பகுதியளவில் அதனை செலுத்துவதற்கு சந்தர்ப்பமளித்தல் ஆகியன பரிந்துரைகளில் உள்வாங்கப்பட்டுள்ளன.

பொலிஸ் பிணை வழங்கல் மற்றும் புதிய சிறைச்சாலைகள் அமைத்தல் என்பனவும் பரிந்துரைகளில் அடங்குகின்றன.

அமைச்சரவையின் அனுமதியுடன் இவை பாராளுமன்றத்தில் சமர்ப்பிக்கப்படவுள்ளன.