காணாமற்போனவர்களை கண்டுபிடித்துத் தருமாறு வலியுறுத்தி இன்றும் சாகும்வரை உண்ணாவிரதம்

காணாமற்போனவர்களை கண்டுபிடித்துத் தருமாறு வலியுறுத்தி இன்றும் சாகும்வரை உண்ணாவிரதம்

எழுத்தாளர் Staff Writer

24 Jan, 2017 | 1:19 pm

காணாமற்போனோரின் உறவினர்களால் வவுனியாவில் நேற்று (23) ஆரம்பிக்கப்பட்ட சாகும்வரையான உண்ணாவிரதப் போராட்டம் இரண்டாம் நாளாக இன்றும் முன்னெடுக்கப்பட்டுள்ளது.

காணாமற்போன தங்களின் உறவினர்கள் தொடர்பில் இறுதியான முடிவை அறிவிக்குமாறும், அரசியல் கைதிகளாக நீண்டகாலம் தடுத்து வைக்கப்பட்டுள்ளவர்களை நிபந்தனையின்றி விடுவிக்குமாறும் வலியுறுத்தி இந்த போராட்டம் முன்னெடுக்கப்பட்டு வருகின்றது.

ஏ-9 வீதியிலுள்ள வவுனியா பிரதான தபாலகம் முன்பாக காணாமற்போனரது உறவினர்கள் நேற்று முதல் சாகும்வரையான உண்ணாவிரதப் போராட்டத்தில் ஈடுபட்டுள்ளனர்.

காணாமற்போனோரின் உறவினர்கள் வவுனியா கந்தசுவாமி ஆலயத்தில் தேங்காய் உடைத்து சமய வழிபாடுகளில் ஈடுபட்ட பின்னர் தங்களின் போராட்டத்தை ஆரம்பித்திருந்தனர்.

 

 


எங்கள் வலைத்தளத்தில் அல்லது வீடியோ செனலில் விளம்பரப்படுத்த ஆர்வமாக உள்ளீர்களா?
[email protected] இல் எங்களை தொடர்பு கொள்ளவும்