அமெரிக்க ஜனாதிபதி தேர்தலில் தனது எதிர்பாராத தோல்விக்கு அமெரிக்க உளவுத்துறையான FBI யே காரணமென ஹிலரி கிளிண்டன் குற்றஞ்சாட்டியுள்ளார்.

FBI இன் பணிப்பாளர் ஜேம்ஸ் கோமேவின் நடவடிக்கைகளே தனது தேர்தல் தோல்விக்கு காரணமென ஜனநாயக கட்சி வேட்பாளர் ஹிலரி தெரிவித்துள்ளார்.

மின்னஞ்சல் விவகாரம் தொடர்பில் தேர்தலுக்கு சற்று முன்னதாக வந்த கோமியின் புதிய விசாரணை அறிவிப்பே ஜனநாயகக் கட்சிக்கான வாக்கு வங்கியின் சரிவிற்கு காரணமென அவர் கூறியுள்ளார்.

தேர்தலுக்கான நிதி அனுசரணையாளர்களிடம் தொலைபேசியில் கலந்துரையாடலில் ஈடுபட்டிருந்த சந்தர்ப்பத்தில் ஹிலரி இந்த குற்றச்சாட்டை முன்வைத்துள்ளார்.