வெலிக்கடை படுகொலை சம்பவத்தை நினைவுகூரும் முகமாகவும் சம்பவத்தில் உயிரிழந்த கைதிகளின் ஆத்மசாந்தி வேண்டி வவுனியா நகர சபை மண்டபத்தில் அஞ்சலி நிகழ்வுகள் நேற்று (27) நடைபெற்றன.

1983 ஆம் ஆண்டு ஜூலை 27 ஆம் திகதி வெலிக்கடைச் சிறையில் இடம்பெற்ற படுகொலையின் போது தமிழ் ஈழ விடுதலை இயக்கத்தின் முக்கிய தலைவர்கள் உள்ளிட்ட 53 தமிழ் அரசியல் கைதிகள் கொல்லப்பட்டனர்.

இந்த சம்பவத்தின் 33 ஆவது ஆண்டு நினைவஞ்சலி வவுனியா நகரசபை மண்டபத்தில் உணர்வுபூர்வமாக நேற்று நடைபெற்றுள்ளது.

இந்த நிகழ்வில் தமிழ் தேசியக் கூட்டமைப்பின் பாராளுமன்ற உறுப்பினர்கள், மாகாணசபை உறுப்பினர்கள் மற்றும் உயிரிழந்தவர்களின் உறவினர்களும் கலந்துக் கொண்டதாக எமது செய்தியாளர் குறிப்பிட்டார்.