தியகமவில் இன்று ஆரம்பமான தேசிய மெய்வல்லுநர் போட்டிகளில் வீர, வீராங்கனைகளின் ஆற்றல்களைக் கணிப்பதில் தடங்கல் ஏற்பட்டது.

போட்டிகளின் போது இலத்திரனியல் கடிகாரம் உட்பட தொழில்நுட்ப இயந்திரங்கள் இயங்காமையே அதற்குக் காரணமாகும்.

94 ஆவது தேசிய மெய்வல்லுநர் போட்டிகள் தியகம மஹிந்த ராஜபக்ஸ மைதானத்தில் இன்று ஆரம்பமானது.

இந்தப் போட்டிகளானது இலங்கை வீர, வீராங்கனைகள் ரியோ டி ஜெனிரோ ஒலிம்பிக் விழாவுக்கான அடைவு மட்டத்தை எட்டுவதற்கான இறுதி சந்தர்ப்பமாக அமைந்துள்ளது.

என்றாலும், ஓட்டப் போட்டிகளின் இலத்திரனியல் கடிகாரம் உட்பட தொழில்நுட்ப இயந்திரங்கள் இயங்காததால் வீர, வீராங்கனைகளின் ஆற்றல்களைக் கணிப்பதில் தடங்கல் ஏற்பட்டது.

கடந்த ​மே மாதம் நடைபெற்ற கனிஷ்ட மெய்வல்லுநர் போட்டிகளின் போது இலத்திரனியல் நேரக் கணிப்பீட்டுக் கடிகாரம் முறையாக இயங்காததால் கனிஷ்ட வீர, வீராங்கனைகளுக்கு அநீதி இழைக்கப்பட்டது.