உயிராபத்துக்கு மத்தியில் தினமும் பாடசாலை செல்லும் சிறுவர்கள் (VIDEO)

உயிராபத்துக்கு மத்தியில் தினமும் பாடசாலை செல்லும் சிறுவர்கள் (VIDEO)

எழுத்தாளர் Staff Writer

31 May, 2016 | 12:39 pm

சீனாவில் பாடசாலை செல்வதற்காக தினமும் 800 மீ பாறைகள் அடர்ந்த மலையைக் கடந்து சிறுவர்கள் செல்வது தெரியவந்துள்ளது.

சீனாவின் தென்மேற்கு மாகாணமான சிச்சுவான் மாகாணத்தில் உள்ள அட்டூலர் என்ற கிராமத்தில் வசிக்கும் சிறுவர்கள், தினமும் பாடசாலைக்குச் செல்ல அங்குள்ள மலையைக் கடந்து செல்ல வேண்டிய சூழல் இருக்கிறது.

பல்வேறு விருதுகளை வென்ற சீனாவின் பிரபல புகைப்படக் கலைஞர் சென் ஜீ எடுத்த புகைப்படங்கள் மூலம் இந்த செய்தி உலகத்தின் கவனத்திற்கு வந்துள்ளது.

மேலும், அட்டூலர் கிராமத்தைச் சேர்ந்த சிறுவர்கள் பாடசாலைக்குச் செல்வதற்காக மிகவும் சிரமத்துடன் மலையேறும் காட்சிகளை அவர் எடுத்துள்ள 90 நிமிட வீடியோக் காட்சிகள் இணையத்தில் வெளியாகி பலரது கவனத்தையும் ஈர்த்துள்ளது.

இதுகுறித்து அந்த புகைப்படத்தை எடுத்த சென் ஜீ கூறுகையில், ஆறு முதல் 15 வயதிற்குட்பட்ட 10 இற்கும் மேற்பட்ட சிறுவர்கள் பாடசாலைச் செல்ல தினமும் மலையேறும் அந்த காட்சிகள் நெஞ்சை உருக்குவதாக இருந்தது என்று தெரிவித்துள்ளார்.

 


எங்கள் வலைத்தளத்தில் அல்லது வீடியோ செனலில் விளம்பரப்படுத்த ஆர்வமாக உள்ளீர்களா?
[email protected] இல் எங்களை தொடர்பு கொள்ளவும்