வேலைவாய்ப்பு வழங்கும் திட்டத்தில் வட, கிழக்கு உள்வாங்கப்படும் விகிதாசாரம் தொடர்பில் டக்ளஸ் கேள்வி

வேலைவாய்ப்பு வழங்கும் திட்டத்தில் வட, கிழக்கு உள்வாங்கப்படும் விகிதாசாரம் தொடர்பில் டக்ளஸ் கேள்வி

வேலைவாய்ப்பு வழங்கும் திட்டத்தில் வட, கிழக்கு உள்வாங்கப்படும் விகிதாசாரம் தொடர்பில் டக்ளஸ் கேள்வி

எழுத்தாளர் Bella Dalima

20 May, 2016 | 8:35 pm

யாழ். குடா நாட்டில் பல்வேறு சமூக விரோத செயற்பாடுகள் அதிகரித்து வருவதாகவும் அதற்கு போதைவஸ்து பாவனை உந்து சக்தியாக அமைவதாகவும் பாராளுமன்ற உறுப்பினர் டக்ளஸ் தேவானந்தா இன்று பாராளுமன்றத்தில் தெரிவித்தார்.

யுத்தத்தினால் பாதிக்கப்பட்ட வட, கிழக்கு மாகாணங்களில் தொழிலின்மை பிரச்சினை தலைவிரித்தாடும் நிலை காணப்படுவதாக சுட்டிக்காட்டிய அவர், 10 இலட்சம் வேலைவாய்ப்பு வழங்கும் திட்டத்தில் வடக்கு, கி்ழக்கு மாகாண இளைஞர் யுவதிகள் உட்படுத்தப்படும் விகிதாசாரத்தை வெளிப்படுத்த முடியுமா எனவும் கேள்வி எழுப்பினார்.

மேலும், புனர்வாழ்வுக்கு உட்படுத்தப்பட்டு சமூகத்துடன் இணைக்கப்பட்டுள்ள முன்னாள் போராளிகளில் பெரும்பாலானவர்கள் தொழிலின்றி தங்களின் வாழ்வாதாரங்களை ஈட்டிக்கொள்ள முடியாத நிலையில் இருப்பதாகக் குறிப்பிட்ட டக்ளஸ் தேவானந்தா, அவர்களுக்கு சுயதொழில் வாய்ப்புகளை ஏற்படுத்திக்கொடுக்க ஏதேனும் நடவடிக்கைகள் உள்வாங்கப்பட்டுள்ளதா எனவும் வினவினார்.


எங்கள் வலைத்தளத்தில் அல்லது வீடியோ செனலில் விளம்பரப்படுத்த ஆர்வமாக உள்ளீர்களா?
[email protected] இல் எங்களை தொடர்பு கொள்ளவும்