மாவத்தகமயில் 13 வயது சிறுமி துஷ்பிரயோகத்திற்கு உட்படுத்தி கொலை: சந்தேகநபர் விளக்கமறியலில்

மாவத்தகமயில் 13 வயது சிறுமி துஷ்பிரயோகத்திற்கு உட்படுத்தி கொலை: சந்தேகநபர் விளக்கமறியலில்

எழுத்தாளர் Bella Dalima

29 Jan, 2016 | 9:58 pm

மாவத்தகம – தல்கஸ்பிட்டிய பகுதியில் 13 வயதான விஜயகுமாரி எனும் சிறுமி துஷ்பிரயோகத்திற்கு உட்படுத்தப்பட்டு கொலை செய்யப்பட்டமை தொடர்பில் கைது செய்யப்பட்ட சந்தேகநபர் விளக்கமறியலில் வைக்கப்பட்டுள்ளார்.

பிலஸ்ஸ நீதவான் நீதிமன்றத்தில் இன்று ஆஜர்படுத்தப்பட்டபோது சந்தேகநபரை பெப்ரவரி மாதம் 12 ஆம் திகதி வரை விளக்கமறியலில் வைக்குமாறு நீதவான் உத்தரவு பிறப்பித்துள்ளார்.

பால் சேகரிக்கும் நிலையத்திற்கு நேற்று காலை 8 மணியளவில் 13 வயதான காளிதாஸ் வியஜகுமாரி வழமைபோன்று சென்றிருந்தார்.

எனினும், இது சிறுமியின் இறுதிப் பயணம் என்பதை அவர்களது உறவினர்கள் அறிந்திருக்கவில்லை.

பல மணி நேரம் கடந்தும் சிறுமி வீடு திரும்பாத நிலையில், சிறுமியின் பெற்றோருடன் இணைந்து கிராம மக்கள் கிராமம் முழுவதும் சிறுமியைத் தேட ஆரம்பித்தனர்.

இதன்போது சிறுமியின் வீட்டிற்கு சற்றுத் தொலைவிலுள்ள மற்றுமொரு வீட்டில் இருந்து சிறுமியின் சடலம் மீட்கப்பட்டது.

சற்றும் எதிர்பாராத நேரத்தில் காமுகனால் இந்த சிறுமியின் உயிர் பறிக்கப்பட்டுள்ளது.

சம்பவ இடத்திற்கு வருகை தந்த பொலிஸார் விசாரணைகளை முன்னெடுத்து வருகின்றனர்.

இந்த சம்பவம் தொடர்பில் சந்தேகத்தின் பேரில் மூவரிடம் விசாரணைகள் நடத்தப்பட்டதை அடுத்தே ஒருவர் கைது செய்யப்பட்டதாக பொலிஸ் ஊடகப் பிரிவு தெரிவித்தது.

விளக்கமறியலில் வைக்கப்பட்டுள்ள குறித்த சந்தேகநபரும் அதே தோட்டத்தைச் சேர்ந்தர் என பொஸார் தெரிவித்தனர்.

 


எங்கள் வலைத்தளத்தில் அல்லது வீடியோ செனலில் விளம்பரப்படுத்த ஆர்வமாக உள்ளீர்களா?
[email protected] இல் எங்களை தொடர்பு கொள்ளவும்