பயாகல பகுதியில் இரண்டு பஸ்கள் மோதி விபத்திற்குள்ளானதில் 36 பேர் காயமடைந்துள்ளனர்.

கட்டுகுருந்த பகுதியில் பயணிகளை ஏற்றுவதற்காக நிறுத்தப்பட்டிருந்த பஸ் ஒன்றுடன் ஹக்மனயிலிருந்து கொழும்பு நோக்கிப் பயணித்த தனியார் பஸ் மோதியதில் இந்த விபத்து இடம்பெற்றுள்ளது.

இன்று அதிகாலை 4 மணியளவில் இடம்பெற்ற இந்த விபத்தில் 3 பெண்களும் 15 இராணுவ சிப்பாய்களும் காயமடைந்துள்ளதாக பொலிஸ் ஊடகப் பேச்சாளர், உதவி பொலிஸ் அத்தியட்சகர் ருவன் குணசேகர குறிப்பிட்டார்.

காயமடைந்தவர்கள் நாகொட வைத்தியசாலையில் அனுமதிக்கப்பட்டுள்ளதாகவும் பொலிஸ் ஊடகப் பேச்சாளர் கூறியுள்ளார்.

அதிக வேகத்தில் பயணித்த தனியார் பஸ்ஸின் சாரதியும் காயமடைந்து வைத்தியசாலையில் அனுமதிக்கப்பட்டுள்ளார்.

விபத்து தொடர்பில் பயாகல பொலிஸார் விசாரணைகளை ஆரம்பித்துள்ளனர்.