கலாமின் கனவை நனவாக்க ஒரு கோடி ரூபாவை வழங்கும் லாரன்ஸ்

கலாமின் கனவை நனவாக்க ஒரு கோடி ரூபாவை வழங்கும் லாரன்ஸ்

கலாமின் கனவை நனவாக்க ஒரு கோடி ரூபாவை வழங்கும் லாரன்ஸ்

எழுத்தாளர் Staff Writer

05 Aug, 2015 | 9:37 am

அப்துல் கலாம் கனவு கண்ட மரம் நடுதல், கல்வி, மருத்துவ உதவி போன்றவற்றுக்கு 1 கோடி ரூபாய் வழங்குவதாக நடிகரும் இயக்குநருமான லாரன்ஸ் தெரிவித்தார்.

வேந்தர் மூவிஸ் நிறுவனத்துடன் இயக்குநர் லாரன்ஸ் இரண்டு படங்களுக்கு ஒப்பந்தம் செய்திருக்கிறார். ‘நாகா’ மற்றும் ‘மொட்ட சிவா கெட்ட சிவா’ என தான் இயக்க இருக்கும் படங்களுக்கு பெயரிட்டு இருக்கிறார் லாரன்ஸ்.

இவ்விரண்டு படங்களின் அறிமுக விழா சென்னையில் நடைபெற்றது. ‘மொட்ட சிவா கெட்ட சிவா’ திரைப்படம் சமூக கருத்தை வலியுறுத்தி உருவாக இருக்கும் வர்த்தக படமாகும். இப்படத்தில் காஜல் அகர்வால் நாயகியாக நடிக்க இருக்கிறார்.

அதே போல ‘நாகா’ திரைப்படத்தை ‘காஞ்சனா’ படத்தைப் போல இயக்க திட்டமிட்டு இருக்கிறார் லாரன்ஸ். ‘நாகா’ படத்துக்கு வரவேற்பு கிடைத்தால் இரண்டாம் பாகம், மூன்றாம் பாகம் என தொடர்ச்சியாக இயக்க திட்டமிட்டு இருக்கிறார். ராஜ நாகம் பாம்பை மையப்படுத்தி ‘நாகா’ கதையை அமைத்திருக்கிறார் லாரன்ஸ்.

இவ்விழாவில் வேந்தர் மூவிஸ் நிறுவனம் அளித்த முற்பணம் ரூ. 1 கோடிக்கான காசோலையை, மறைந்த முன்னாள் ஜனாதிபதி அப்துல் கலாம் கனவு நனவாக அளிப்பதாக தெரிவித்தார் லாரன்ஸ்.


எங்கள் வலைத்தளத்தில் அல்லது வீடியோ செனலில் விளம்பரப்படுத்த ஆர்வமாக உள்ளீர்களா?
[email protected] இல் எங்களை தொடர்பு கொள்ளவும்