பொலிஸ் நிதி மோசடி விசாரணை பிரிவு அல்லது அதன் செயலகத்தை எந்தவொரு சந்தரப்பத்திலும்,அமைச்சரவை உப குழு நிர்வகிக்கவில்லை என பிரதமர் அலுவலகம் தெரிவித்துள்ளது.

பொலிஸ் நிதி மோசடி விசாரணை பிரிவு மற்றும் சட்டத்தை நடைமுறைப்படுத்தும் ஏனைய பிரிவுகள் முன்னெடுக்கும் விசாரணைகள் சுயாதீனமாக இடம்பெறுவதை
உறுதிப்படுத்துவதாகவும் பிரதமர் அலுவலகம் வெளியிட்டுள்ள அறிக்கையில் குறிப்பிப்பட்டுள்ளது.

சட்டம் உரிய வகையில் செயற்படுகின்றமையை உறுதிப்படுத்துவதற்காக பொலிஸ் நிதி மோசடி விசாரணை பிரிவு உட்பட சட்டத்தை செயற்படுத்தும் ஏனைய பிரிவுகளினால் முன்னெடுக்கபடும் விசாரணைகளின் முன்னேற்றத்தை வாரம் தோறும் மீளாய்வு செய்வதே அமைச்சரவை உப குழுவின் நடவடிக்கை என பிரதமர் அலுவலகம் வெளியிட்டுள்ள அறிக்கையில் குறிப்பிடப்பட்டுள்ளது.

சட்டத்தை நடைமுறைப்படுத்தும் செயற்பாடு தொடர்பாக எவ்விதமான அரசியல் தலையீடுகளும் காணப்பட வில்லை எனவும் பிரதமர் அலுவலகம்
சுட்டிக்காட்டியுள்ளது.