கொழும்பில் 400 மில்லியன் டொலர்கள் செலவில் நிர்மாணிக்க உத்தேசிக்கப்பட்டிருந்த சொகுசு ஹோட்டல் திட்டத்தினை தொடரப் போவதில்லை என ஜேம்ஸ் பெக்கரின் க்ரவுன் குழுமம் அறிவித்துள்ளதாக அவுஸ்திரேலிய ஊடகங்கள் செய்தி வெளியிட்டுள்ளன.

இலங்கையின் புதிய அரசாங்கத்தினால் நேற்றைய தினம் (29) சமர்ப்பிக்கப்பட்ட இடைக்கால வரவு செலவுத் திட்டத்தில், பெக்கரின் ஹோட்டல் உள்ளிட்ட மூன்று அபிவிருத்தித் திட்டங்களுக்கான வரி சலுகைகளை இரத்து செய்வதற்கு தீர்மானிக்கப்பட்டிருந்தது.

அத்துடன், அந்த நிறுவனங்கள் கெசினோக்களை நடத்துவதற்கான அனுமதிப் பத்திரங்களை வழங்கப் போவதில்லை எனவும் அறிவிக்கப்பட்டது.

புதிய அரசாங்கத்தின் இந்தத் தீர்மானத்திற்கு தமது நிறுவனம் மதிப்பளிப்பதாக க்ரவுன் நிறுவனத்தின் பேச்சாளர் ஒருவர் குறிப்பிட்டுள்ளார்.

குறித்த சொகுசு ஹோட்டல் திட்டத்தினை தொடர்ந்தும் முன்னெடுக்கப் போவதில்லை எனவும் அந்நிறுவனம் அறிவித்துள்ளது.