முல்லைத்தீவு, வட்டுவாகல் – நந்திக்கடலில் மீன்கள் இறந்தமை தொடர்பில் நாரா நிறுவனம் ஆய்வுகளை முன்னெடுத்துள்ளது.

இதற்காக நாரா நிறுவனத்தின் குழுவொன்று நந்திக்கடல் பகுதிக்கு நேரில் வருகைதந்துள்ளதாக மீன்பிடித் துறை திணைக்களத்தின் மாவட்ட பணிப்பாளர் ஜெ.சுதாகரன் குறிப்பிட்டார்.

வட்டுவாகல் – நந்திக்கடல் பகுதியில் நிலவும் வெப்பநிலையால் ஏராளமான மீன்கள் கடந்த சில தினங்களாக இறந்த நிலையில் கரையொதுங்கியுள்ளதாக தெரிவிக்கப்படுகின்றது.

கரையொதுங்கியுள்ள மீன்களை மண்ணில் புதைப்பதற்கான நடவடிக்கைகள் தற்போது முன்னெடுக்கப்பட்டுவருவதாக எமது பிராந்திய செய்தியாளர் தெரிவித்தார்.