தரம் ஐந்து புலமைப் பரிசில் பரீட்சை இன்று

தரம் ஐந்து புலமைப் பரிசில் பரீட்சை இன்று

தரம் ஐந்து புலமைப் பரிசில் பரீட்சை இன்று

எழுத்தாளர் Staff Writer

17 Aug, 2014 | 9:36 am

தரம் ஐந்து புலமைப் பரிசில் பரீட்சை இன்று நடைபெறவுள்ளது.

இந்த பரீட்சைக்கான அனைத்து ஏற்பாடுகளும் பூர்த்தி செய்யப்பட்டுள்ளதாக பரீட்சைகள் ஆணையாளர் நாயகம் டபிள்யூ.எம்.என்.ஜே.புஸ்பகுமார தெரிவித்துள்ளார்.

இம்முறை தரம் ஐந்து புலமைப் பரிசில் பரீட்சையில் மூன்று இலட்சத்து 35 ஆயிரத்து 585 மாணவர்கள் தோற்றவுள்ளனர்.

பரீட்சையை நடத்துவதற்காக நாடளாவிய ரீதியில் இரண்டாயிரத்து 870 மத்திய நிலையங்கள் அமைக்கப்பட்டுள்ளன.

புலமைப்பரிசில் பரீட்சையில் தோற்றவுள்ள மாணவர்கள் காலை ஒன்பது மணியளவில் பரீட்சை மத்திய நிலையங்களுக்கு சமூகமளிக்க வேண்டும் எனவும் பரீட்சைகள் ஆணையாளர் நாயகம் கேட்டுள்ளார்.

மாணவர்களின் பெற்றோரை தவிர்ந்த வெளிநபர்கள் எவரும் பரீட்சை நடைபெறும் மத்திய நிலையங்களின் வாளாகத்திற்குள் பிரவேசிக்க கூடாதென பரீட்சைகள் திணைக்களம் அறிவுறுத்தியுள்ளது.

இதேவேளை, இம்முறை தரம் ஐந்து புலமைப் பரிசில் பரீட்சையில் தோற்றவுள்ள மாணவர்கள் மற்றும் அவர்களது பெற்றோருக்காக பரீட்சைகள் திணைக்களம் விசேட ஆலோசனைகளை வழங்கியுள்ளது.

வினாத் தாளில் குறிப்பிடப்பட்டுள்ள நேரம் தொடர்பில் மாணவர்கள் மிகுந்த கவனம் செலுத்த வேண்டும் என பரீ்ட்சைகள் ஆணையாளர் நாயகம் டபிள்யூ.எம்.என்.ஜே.புஸ்பகுமார தெரிவித்துள்ளார்.

முதலாவது வினாத்தாளுக்கான விடைகளை எழுதுவதற்கு முற்பகல் 9.30 தொடக்கம் முற்பகல் 10.15 வரை மாணவர்களுக்கு 45 நிமிட காலம் வழங்கப்படும் என அவர் குறிப்பிட்டுள்ளார்.

இரண்டாவது வினாத்தாளுக்கு 10.45 தொடக்கம் நண்பகல் 12 மணிவரை மாணவர்களுக்கு ஒரு மணித்தியாலமும் 15 நிமிடங்களும் வழங்கப்படும் என பரீ்சைகள் ஆணையாளர் நாயகம் தெரிவித்துள்ளார்.

பரீட்சையில் தோற்றவுள்ள மாணவர்கள் கால தாமதமின்றி பரீட்சை நிலையங்களுக்கு சமூகமளிப்பதன் மூலம் அசௌகரியங்களை தவிர்த்துக்கொள்ள முடியும் எனவும் அவர் மேலும் குறிப்பிட்டுள்ளார்.


எங்கள் வலைத்தளத்தில் அல்லது வீடியோ செனலில் விளம்பரப்படுத்த ஆர்வமாக உள்ளீர்களா?
[email protected] இல் எங்களை தொடர்பு கொள்ளவும்