தலைமன்னார் கடற்பரப்பில் கைதாகி, பின்னர் விடுதலை செய்யப்பட்ட இந்திய மீனவர்கள் 22 பேரும் அந்த நாட்டு கரையார பாதுகாப்பு பிரிவினரிடம் ஒப்படைக்கப்பட்டுள்ளனர்.

இவர்கள் தலைமன்னாரில் இருந்தே நேரடியாக அழைத்துச் செல்லப்பட்டதுடன், இலங்கை – இந்திய சர்வதேச கடற்பரப்பில் இந்திய அதிகாரிகளிடம் ஒப்படைக்கப்பட்டதாக கடற்படை பேச்சாளர் தெரிவிக்கின்றார்.

இந்த மீனவர்கள் கடந்த 19 ஆம் திகதி 5 படகுகளுடன் தலைமன்னார் கடற்பரப்பில் கடற்படையினரால் கைதுசெய்யப்பட்டிருந்தனர்.

விளக்கமறியலில் வைக்கப்பட்டிருந்த நிலையில், சட்ட மாஅதிபர் திணைக்களத்தின் அறிவுறுத்தலுக்கு அமைய இந்திய மீனவர்கள் 22 பேரும் மன்னார் நீதிமன்றத்தினால் நேற்று முன்தினம் விடுதலை செய்யப்பட்டிருந்தனர்.