அடுத்த ஜனாதிபதித் தேர்தலில், எதிர்க்கட்சிகள் பொது வேட்பாளர் ஒருவரை களமிறக்க வேண்டும் என ஜனநாயகக் கட்சியின் தலைவர் சரத் பொன்சேக்கா தெரிவிக்கின்றார்.

தேர்தல் தொடர்பில் கருத்து வெளியிடுவதற்காக, இன்று ஏற்பாடு செய்யப்பட்டிருந்த ஊடகவியலாளர் சந்திப்பில் அவர் இதனைக் குறிப்பிட்டார்.

[quote]கட்சியின் அதிகளவில் புதியவர்களளே உள்ளனர். எமது கட்சி நாளை முதலாவது பிறந்த நாளைக் கொண்டாடவுள்ளது. நாம் நீண்ட கால அரசியல் அனுபவமுள்ளவர்களுடன் போட்டியிட்டுள்ளோம். குறுகிய காலத்திற்குள் மக்கள் எம்மீது அதிக நம்பிக்கை கொண்டுள்ளனர்.  எமது பிரபல அரசியல் சக்தியின் பயணம் எமக்கு இதன்மூலம் தெரிகிறது.  எனது கை, கால்களை கட்டி, என்னை சிறையில் அடைத்து, எனது பிரஜா உரிமையை இல்லாமல் செய்தனர். அவை அனைத்திற்காகவும் தொடர்ந்து போராடினேன். இறுதியில் நான் எனது பிரஜா உரிமையைப் பெற்றுக் கொண்டேன். சட்டபூர்வமாக இந்தத் தேர்தலில் நான் வாக்களித்தேன். அதனை நாம் எமது முன்னேற்றத்தின் ஓர் அடையாளமாக காண்கிறோம்.  கடந்த ஜனாதிபதி தேர்தலின்போது நாம் இருந்த நிலைப்பாட்டையே மீண்டும் கூறுகின்றோம். அடுத்த ஜனாதிபதி தேர்தலிலும் அவ்வாறு பொது வேட்பாளர் ஒருவரை நிறுத்த வேண்டும்.[/quote]

ஊடகங்கள் தொடர்பிலும் ஜனநாயகக் கட்சியின் தலைவர் சரத் பொன்சேக்கா இதன்போது கருத்து வெளியிட்டார்.