எகிப்தின் வட பிராந்தியத்தில் உள்ள பாதுகாப்பு அலுவலக கட்டடத் தொகுதி ஒன்றில் நடத்தப்பட்ட கார் குண்டுத் தாக்குதலில் 14 பேர் உயிரிழந்ததுடன் நூற்றுக்கும் அதிகமானவர்கள் காயமடைந்துள்ளனர்.

இந்த தாக்குதலை அடுத்து கட்டடத்துக்கு பாரிய சேதங்கள் ஏற்பட்டதாக எகிப்திய தகவல்கள் குறிப்பிடுகின்றன..

இது ஒரு பயங்கரவாதத் தாக்குதல் என்று எகிப்தின் இடைக்கால பிரதமர் ஹஸிம் பெப்லாவி தெரிவித்துள்ளார்.

ஜனாதிபதிப் பதவியிலிருந்து முஹமட் முர்சி பதவி விலகப்பட்டதன் பின்னர், இராணுவம் மற்றும் பொலிஸார் மீதான தாக்குதல்கள் அதிகரித்துள்ளன.