வரவு – செலவுத் திட்டத்தினால் நாட்டிலுள்ள அனைத்து துறைகளிலும் தளம்பல் நிலை ஏற்பட்டுள்ளதாக ஐக்கிய தேசியக் கட்சியின் பாராளுமன்ற உறுப்பினர் புத்திக பத்திரன தெரிவித்துள்ளார்.

மாத்தறையில் இன்று இடம்பெற்ற நிகழ்வொன்றிலேயே அவர் இதனைக் குறிப்பிட்டுள்ளார்.

ஐக்கிய தேசியக் கட்சி பாராளுமன்ற உறுப்பினர் புத்திக பத்திரண தெரிவித்த கருத்து :-

“பொதுநலவாய அரச தலைவர்கள் மாநாட்டின் ஊடாக கிடைத்த பிரதிபலன்களை இன்னும் சில நாட்களில் உங்களால் அனுபவிக்கக்கூடியதாக இருக்கும். பொருட்களின் விலை அதிகரிக்கும் போதுதான் பொதுநலவாய அரச தலைவர்கள் மாநாட்டின் பிரதிபலிப்பை உணரமுடியும். அதனால் இன்னும் சில நாட்களில் பொருட்களின் விலை அதிகரிக்கும் போது அதனை அறியக்கூடியதாக இருக்கும். வரவு செலவுத் திட்டத்தினால் முழு நாட்டிலுள்ள அனைத்து துறைகளும் தளம்பல் கண்டுள்ளன”

மாத்தறை துடாவ பிரதேசத்தில் குறை நிறை பிள்ளைகளுக்கு போஷாக்கு உணவுகளை வழங்கும் நிகழ்விலேயே புத்திக பத்திரண இதனைத் தெரிவித்தார்.