අස්වැසුම ලබාගන්න දිවුරුම් ප්‍රකාශයක්....

අස්වැසුම ලබාගන්න දිවුරුම් ප්‍රකාශයක් දීම අනිවාර්ය කෙරේ

by Staff writer 20-11-2026 | 9:15 AM

COLOMBO(News1st) - අස්වැසුම ප්‍රතිලාභ ලබා ගැනීමේදි තමන් නමින් බැංකු සහ මුල්‍ය ආයතනවල ඇති මුදල් පිළිබඳ දිවුරුම් ප්‍රකාශයක් දීම අනිවාර්ය කර තිබේ.

සුබ සාධක ප්‍රතිලාභ මණ්ඩලයේ සභාපති නිමල් කොටවෙලගෙදර පැවසුවේ, 'අස්වැසුම' ප්‍රතිලාභින් සම්බන්ධයෙන් ග්‍රාම නිලධාරීවරුන් පවත්වන සමීක්ෂණවලදී ඇතැම් පිරිස් ඔවුන්ගේ මූල්‍ය වත්කම් ප්‍රකාශ ඉදිරිපත් නොකිරීම හේතුවෙන් එම පියවරගත් බවයි.

ඒ අනුව දැනට ප්‍රතිලාභ ලබන සහ ඒ සඳහා අයැදුම්පත් ඉදිරිපත් කළ මෙන්ම 'අස්වැසුම' සම්බන්ධයෙන් අභියාචනා ඉදිරිපත් කළ පුද්ගලයින්ද දිවුරුම් ප්‍රකාශ ඉදිරිපත් කළ යුතු බව සභාපතිවරයා සඳහන් කළේ ය.