ගිනිකොනදිග බෙංගාල බොක්ක මුහුදේ අඩු පීඩන කලාපයක්

COLOMBO(News1st) - ගිණිකොණ දිග බෙංගාල බොක්ක මුහුදේ අද(14) සිට නැවත දැනුම්දෙනතුරු යාත්‍රා නොකරන්නැයි කාලගුණ විද්‍යා දෙපාර්තමේන්තුව ධීවර සහ නාවුක ප්‍රජාවට දැනුම් දෙයි.

ඒ, තද සුළං සහ රළු මුහුද පිළිබඳ රතු නිවේදනයක් නිකුත් කරමිනි

එම මුහුදු ප්‍රදේශයේ අඩු පීඩන කලාපයක් වර්ධනය වීම, ඊට හේතුවයි.

නිල්වලා ගඟ තල්ගහගොඩින් තවදුරටත් සුළු ගංවතුර තත්ත්වයේ පවතින අතර නිල්වලා ගඟ පානදුගමින් පවතින්නේ, ගංවතුර අවදානම් මට්ටමේයි.

ගිං ගඟ බද්දෙගමින් සහ කළු ගඟ මිල්ලකන්දෙන් තවදුරටත් ගංවතුර අවදානම් මට්ටමේ පවතියි.

ඒ අවට පහත්බිම් වල වෙසෙන ජනතාව විමසිලිමත් විය යුතු බව, වාරිමාර්ග දෙපාර්තමේන්තුව දැනුම් දෙයි