ඕස්ට්‍රේලියාට ගිය ඇමති විජිත, මෙල්බර්න් නුවරදී ශ්‍රී ලාංකිකයින් හමුවෙයි...

COLOMBO (News 1st) - ඕස්ට්‍රේලියාවේ සංචාරයක නිරත විදේශ කටයුතු අමාත්‍ය විජිත හේරත් මහතා, මෙල්බර්න් නුවරදී ශ්‍රී ලාංකිකයන් සමඟ විශේෂ සාකච්ඡාවක් පවත්වා තිබේ.

සිය එක්ස් (X) ගිණුමේ සටහනක් තබමින් අමාත්‍යවරයා පැවසුවේ, එහිදී ඕස්ට්‍රේලියාවේ වෙසෙන ශ්‍රී ලාංකික ජනතාව සිය ගැටලු පිළිබඳව තමා දැනුවත් කළ බවයි.

වත්මන් රජය විසින් ඒ වෙනුවෙන් ගෙන ඇති ප්‍රගතිශීලී තීන්දු තීරණ මෙන්ම ඉදිරි වැඩපිළිවෙළ ද ශ්‍රී ලාංකිකයන්ට පැහැදිලි කළ බව අමාත්‍යවරයා සඳහන් කර ඇති අතර වික්ටෝරියා ප්‍රාන්තය නියෝජනය කරන ඕස්ට්‍රේලියානු පාර්ලිමේන්තු මන්ත්‍රීවරුන් කිහිපදෙනෙකු සමග මෙල්බර්න්හිදී දිවා භෝජන සංග්‍රහයකට එක්වූ බව ද අමාත්‍යවරයා වැඩිදුරටත් සඳහන් කර තිබේ.