WhatsApp වීඩියෝ ඇමතුම් ඔස්සේ සිදුකරන මුදල් වංචාවක් ගැන ශ්‍රී ලංකා පරිගණක හදිසි ප්‍රතිචාර සංසදයෙන් අනතුරු ඇඟවීම්

COLOMBO(News1st) - වට්ස්ඇප් වීඩියෝ ඇමතුම් තාක්ෂණය ඔස්සේ ඉන්දියාවේ සිට සිදුකරන මුදල් වංචාවක් ගැන පරිඝනක හදිසි ප්‍රතිචාර සංසදය අනතුරු අඟවයි.

ඒ සම්බන්ධයෙන් දැනට පැමිණිලිද ලැබී ඇති අතර වංචාව සිදුකෙරෙන්නේ, ඉන්දීය සුරූපී තරුණියක් යොදා ගනිමින්.

නාඳුනන පුද්ගලයින්ගෙන් වට්සැප් හරහා පැමිණෙන වීඩියෝ ඇමතුම්වලට ප්‍රතිචාර දැක්වීමේදී සැලකිලිමත් වීමෙන් එම වංචාවලින් ආරක්ෂාවිය හැකි වේ.

පරිඝනක හදිසි ප්‍රතිචාර සංසදය දැනුම් දෙන්නේ මෙම වංචනික ක්‍රියාවට ඔබත් ගොදුරු වී ඇත්නම් වහාම ලඟම ඇති පොලීසියට පැමිණිලි කරන ලෙසයි.