හෝමූස් සමුද්‍ර සන්ධියට ඇතුළුවීමට හෝ පිටවීමට උත්සහ කරන සියලුම නෞකා අවහිර කරන්නැයි ට්‍රම්ප්ගෙන් උපදෙස්

COLOMBO(News1st) - හෝමූස් සමුද්‍ර සන්ධියට ඇතුළුවීමට හෝ පිටවීමට උත්සහ කරන සියලුම නෞකා අවහිර කරන්නැයි සිය නාවික හමුදාවට උපදෙස් ලබාදුන් බව ඇමරිකානු ජනපති ඩොනල්ඩ් ට්‍රම්ප් පවසයි.

ඊට ප්‍රතිචාර දක්වමින් හෝමූස් කලාපයට පැමිණෙන ඕනෑම සන්නද්ධ නෞකාවකට පහර දෙන බව ඉරානය අවධාරණය කළේය.

ඇමරිකාව විසින් ඉරාන වරායන් ඉලක්ක කර ප්‍රහාර එල්ල කළහොත්, පර්සියානු ගල්ෆ් කලාපයේ හෝ ඕමාන මුහුදේ පවතින කිසිදු වරායක් ආරක්ෂිත නොවන බවත් ඉරානය වැඩිදුරටත් සඳහන් කළේය.

කෙසේ වෙතත් අද(13) මෙරට වේලාවෙන් රාත්‍රී 7.30 සිට ඕනෑම රටක ඉරාන වරායන්වලට ඇතුළුවන හෝ පිටවන ඕනෑම නෞකාවක් අවහිර කරන බවට අමෙරිකානු මධ්‍යම විධානය ඊයේ(12) නිවේදනය කර තිබු‍ණේ මෙවැනි පසුබිමකයි.