2027 සිට 6 ශ්‍රේණියට නව අධ්‍යාපන ප්‍රතිසංස්කරණ!

by Staff writer 02-03-2026 | 8:36 PM

COLOMBO(News1st) - 2027 වසරේ සිට 6 ශ්‍රේණිය සඳහා නව අධ්‍යාපන ප්‍රතිසංස්කරණ හඳුන්වා දීමට කටයුතු කරන අතර බව අග්‍රාමාත්‍ය හරිනි අමරසුරිය පවසයි.

අග්‍රාමාත්‍යවරිය පැවසුවේ, නව පෙළපොත් මුද්‍රණ කටයුතු අධ්‍යාපන අමාත්‍යංශයේ ප්‍රකාශන දෙපාර්තමේන්තුව වෙත ලබා දීමට කටයුතු කරන බවයි.

ඌව වෙල්ලස්ස දෙදිසාවේ ප්‍රධාන සංඝනායක, යුධගනාව රාජමහා විහාරාධිපති, රාජකීය පණ්ඩිත අතිපූජ්‍ය ගල්ටැම්වත්තේ නන්දරතන නායක හිමියන් බැහැදැකීමට ගිය අවස්ථාවේදී අග්‍රාමාත්‍යවරිය ඒ බව සඳහන් කළේය.

අග්‍රාමාත්‍යවරිය පැවසුවේ, වෘත්තීය අධ්‍යාපනයට නිසි පිළිගැනීමක් ලබා දෙමින් දිස්ත්‍රික් 25ම ආවරණය වන පරිදි නවීන පාඨමාලාවන්ගෙන් යුතු වෘත්තීය අධ්‍යාපන මධ්‍යස්ථාන 50ක් සංවර්ධනය කිරීමට කටයුතු කරන බවයි.