මහජන හදිසි අවස්ථා තත්ත්වය යළි දීර්ඝ කෙරේ

COLOMBO(News1st) -  පනවා ඇති මහජන හදිසි අවස්ථා තත්ත්වය යළි දීර්ඝ කර තිබේ.

ඒ ජනාධිපති ලේකම් අත්සනින්.

නිකුත් කළ අතිවිශේෂ ගැසට් නිවේදනයට අනුව, මහජන හදිසි අවස්ථා තත්ත්වය පසුගිය 28 වැනිදා සිට යළි බලාත්මකයි.

මහජන හදිසි අවස්ථාව තත්ත්වයක් පැවතීම හේතුකොටගෙන ෙමහජන ආරක්ෂාව සහ රටේ යථා පැවැත්ම සුරක්ෂිත කිරිම හා මහජන ජිවිතයට අවශ්‍ය සැපයිම් සහ සේවා පවත්වාගෙන යාම සඳහා හදිසි නීතිය එලෙස දිර්ඝ කර ඇතැයි ගැසට් නිවේදනයේ සඳහන්.

මෙම හදිසි නීතිය උපයෝගී කර ගනිමින් ජනතාවගේ සිවිල් අයිතිවාසිකම් කඩවන පරිදි කිසිදු ක්‍රියාවක් සිදුනොවන බවට මීට පෙර ජනාධිපතිවරයා සහතිකයක් ද ලබා දී තිබේ.

මේ අතර, සේවාවන් 15ක් අත්‍යවශ්‍ය සේවා බවට පත් කරමින්, නිකුත් කර තිබූ අති විශේෂ ගැසට් නිවේදනය ද යළි දීර්ඝ කෙරුණි.

ඒ අනුව විදුලිය, ඉන්ධන, සෞඛ්‍ය සේවා, ප්‍රවාහන, මාර්ග, ජලය,ආහාර, දිස්ත්‍රික් ලේකම් කාර්යාල, ප්‍රාදේශීය ලේකම් කාර්යාල ඇතුලු ක්ෂේත්‍ර නිලධාරීන්, ගිලන් රථ, මහ බැංකුව, රාජ්‍ය බැංකු සහ රක්ෂණ සේවා, වාරිමාර්ග, දුරකථන, විදුලි සංදේශ හා මාධ්‍ය , පහත්බිම් ගොඩකිරීම, කෘෂි සහ කෘෂි රක්ෂණ යන සේවා අත්‍යවශ්‍ය සේවා ලෙස ප්‍රකාශයට පත් කර තිබේ.