ත්‍රිකුණාමලයේ ඉඩම් සිද්ධිය... බලංගොඩ කස්සප හිමි ඇතුළු 10 දෙනාට ඇප..

COLOMBO (News 1st) - ත්‍රිකුණාමලයේ ඉඩමක සිද්ධියකට අදාළව  රක්ෂිත බන්ධනාගාරගත කර සිටි පූජ්‍ය බලංගොඩ කස්සප හිමියන් ඇතුළු 10 දෙනෙකු ඇප මත මුදා හැරීමට ත්‍රිකුණාමළය මහාධිකරණයෙන් නියෝග කර තිබේ.

එම නඩුව අද ත්‍රිකුණාමලය මහාධිකරණ විනිසුරු අබ්දුල්ලා මහරුෆ් ඉදිරියේ විභාගයට ගත් අවස්ථාවේදී ය.

ඇප හිමිවූවන් අතර ස්වාමීන් වහන්සේ හතර නමකි.

විනිසුරුවරයා නියෝග කළේ, රුපියල් 10,000 ක මුදල් ඇපයක් සහ රුපියල් මිලියනය බැගින් වූ ශරීර ඇප දෙකක් මත සැකකරුවන් මුදා හරින ලෙසයි.

නියමිත පරිදි අධිකරණයේ පෙනි සිටින ලෙසත් විනිසුරුවරයා එහිදී නියෝග කළේ ය.