දිට්වා සුළි කුණාටුවේ බලපෑමෙන් කඳුකර වනාන්තරවලින් 34% කට හානි..... - පරිසර අමාත්‍යංශය

by Staff writer 16-01-2026 | 7:48 AM

COLOMBO(News1st) - දිට්වා සුළි කුණාටුවත් සමග ඇතිවු වාර්ෂාවෙන් සිදුවූ නායයෑම්වලින් මෙරට කඳුකර වනාන්තර පද්ධතියෙන් 34% ක් හානියට පත්ව ඇති බව පරිසර අමාත්‍යංශය පවසයි.

අමාත්‍ය වෛද්‍ය ධම්මික පටබැඳි සඳහන් කළේ, දිට්වා සුළි කුණාටුවෙන් මෙරට පරිසරයට සිදුවූ හානිය පිළිබඳ සොයා බැලීමට පත්කළ කමිටුවේ මූලික වාර්තාවෙන් මේ බව අණාවරණය කර ඇති බවයි.

පරිසර අමාත්‍යංශ ලේකම්වරයාගේ ප්‍රධානත්වයෙන් පත්කළ කමිටු වාර්තාව පෙරේදා තමන්ට භාර දුන් බවද අමාත්‍යවරයා ප්‍රකාශ කළේ ය.

අමාත්‍යවරයා පැවසුවේ,ආපාදාවලින් මෙරට ප්‍රධාන ගංගා ද්‍රෝණි 7 ක පරිසර පද්ධතිවලට ද හානි වී ඇති බවයි.

ආපදාවලින් මෙරට වෙරළ හා කලපු පරිසරයට සිදුවූ හානි පිළිබඳවද අදාළ වාර්තාවෙන් කරුණු අණාවරණ කර ඇති බව අමාත්‍ය වෛද්‍ය ධම්මික පටබැඳී සඳහන් කළේ ය.