ආපදාවෙන් සිදුවූ වගා හානි වෙනුවෙන් මිලියන 800 ක් ගෙවා අවසන් -කෘෂිකර්ම දෙපාර්තමේන්තුව

COLOMBO (News 1st) - දිට්වා සුළි කුණාටුවෙන් සිදුවූ වගා හානි වෙනුවෙන් මේ වන විට වන්දි වශයෙන් රුපියල් මිලියන 800 ක් ගෙවා අවසන් කර ඇති බව, කෘෂිකර්ම දෙපාර්තමේන්තුව පවසයි.

එහි අධ්‍යක්ෂ ජනරාල් තුෂාර වික්‍රමාරච්චි සඳහන් කළේ, ගොවීන් විසි දෙදහසකට එම ගෙවීම් සිදුකර ඇති බවයි.

එළවලු වගා හානි වෙනුවෙන් රුපියල් මිලියන 660 ක් ගෙවා අවසන් කර තිබේ.

ඒ ගොවීන් 18,200 දෙනෙකුට සදහායි.

අතිරේක ආහාර බෝග වෙනුවෙන් රුපියල් මිලියන 110 ක් ගෙවා ඇති අතර, ඒ ගොවීන් 2,800 දෙනෙකු වෙනුවෙනි.

බඩඉරිඟු වගා හානි වෙනුවෙන් රුපියල් මිලියන 35 ක් ගෙවා අවසන් කර ඇත.

ඒ ගොවීන් 1,000 සඳහායි.