මුස්තෆිසුර් රහමන් ඉන්දීය ප්‍රීමියර් ලීග් ක්‍රිකට් තරගාවලියෙන් ඉවත් කිරීමෙන් ඇතිවූ තත්ත්වය සැලකිල්ලට ගෙන 20/20 ලෝක කුසලාන ක්‍රිකට් තරගාවලියේ ඉන්දියාවේදී පැවැත්වීමට නියමිත තරග 3 ශ්‍රී ලංකාවේ පවත්වන ලෙස බංග්ලාදේශ ක්‍රිකට් ප්‍රධානියාගෙන් ICC යට ඉල්ලීමක්..

COLOMBO (News 1st) - 2026 පන්දුවාර 20යි 20 ලෝක කුසලාන ක්‍රිකට් තරගාවලියේ ඉන්දියාවේදී පැවැත්වීමට නියමිත තරග 4, ශ්‍රී ලංකාවේදී පවත්වන්නැයි බංග්ලාදේශ ක්‍රිකට් ආයතනය ICCයෙන් ඉල්ලීමක් කර තිබේ.

ඒ ලිපියක් මගින්ය.

එංගලන්තය, බටහිර ඉන්දීය කොදෙව්, නේපාලය සහ ඉතාලිය සමග බංගලිදේශය එම තරග ක්‍රීඩා කිරීමට නියමිතය.

එහි වැඩිදුරටත් දැක්වෙන්නේ වලංගු කොන්ත්‍රාත්තුවක් තිබියදීත් බංග්ලාදේශ ක්‍රිකට් ක්‍රීඩකයෙකුට ඉන්දියාවේ ක්‍රීඩා කළ නොහැකි නම්, බංග්ලාදේශයට ලෝක කුසලානය ක්‍රීඩා කිරීම සඳහා ඉන්දියාවට යාම ආරක්ෂිත යැයි සැලකිය නොහැකි බවය.

බංග්ලාදේශ ක්‍රිකට් ක්‍රීඩක මුස්තෆිසුර් රහමන් ඉන්දීය ප්‍රිමියර් ලීග් පන්දුවාර 20/20 ක්‍රිකට් තරගාවලියේ සංචිතයෙන් ඉවත් කරන ලෙස ඉන්දීය ක්‍රිකට් පාලක මණ්ඩලය කළ ඉල්ලීමට අනුව කොල්කටා නයිඩ් රයිඩර්ස් කණ්ඩායම ඔහුව සිය සංචිතයෙන් ඉවත් කළේ ය.

බංග්ලාදේශයේ පවතින දේශපාලන අර්බුධකාරී තත්ත්වය, ඊට හේතුවී ඇති බව විදෙස් මාධ්‍ය වාර්තා කළේ ය.