නීති විරෝධී ලෙස මෙරටට ගෙන්වූ දුම්වැටි 42,000 ක් සමග සැකකරුවෙකු කටුනායක ගුවන්තොටුපලේදී අත්අඩංගුවට

COLOMBO (News 1st) - නීති විරෝධී විදේශීය දුම්වැටි තොගයක් මෙරටට රැගෙන ආ ශ්‍රී ලාංකික ගුවන් මගියෙකු අද අළුයම කටුනායක ගුවන්තොටුපලේදී අත්අඩංගුවට ගෙන තිබේ.

ඒ ගුවන් තොටුපොළ පොලිස් මත්ද්‍රව්‍ය නාශක කාර්යාංශය විසින් ය.

සැකකරු දුම්වැටි 42,000ක් අඩංගු දුම්වැටි කාටූන් 210 ක් සගවා ගෙන පැමිණ තිබේ.

අවිස්සාවේල්ල , ඇපලපිටිය ප්‍රදේශයේ පදිංචි 21 හැවිරිදි සැකකරු දිවයිනට පැමිණ ඇත්තේ, ඩුබායි සිටයි.

මේ වනවිට ඔහු පොලිස් ඇප මත මුදා හැර ඇති අතර , ලබන ජනවාරි 07 වැනිදා මීගමුව මහේස්ත්‍රාත් අධිකරණයට ඉදිරිපත් කිරීමට නියමිතයි.