දිට්වා සුළි කුණාටුව යාපනයට 110km ක් ඊසාන දෙසින් කේන්ද්‍රගත වෙයි..

COLOMBO (News 1st) - දිට්වා සුළි කුණාටුව යාපනයට කිලෝමීටර 110ක් ඊසාන දෙසින් මේ වන විට කේන්ද්‍රගතව ඇති බව, කාලගුණ විද්‍යා දෙපාර්තමේන්තුව පවසයි.

අදාළ පද්ධතිය උතුරට බරව, වයඹ දෙසට ගමන් කර හෙට (

0

1) ඉන්දියාවේ තමිල්නාඩු වෙරළට ළඟාවනු ඇති බව එම දෙපාර්තමේන්තුව සඳහන් කළේ ය.

සුළි කුණාටුව දිවයිනේ ඉවතට යාමත් සමග වැසි හා සුළං තත්ත්වයේ සැලකිය යුතු අඩුවීමක් අපේක්ෂා කරන බව, කාලගුණ විද්‍යා දෙපාර්තමේන්තුව සඳහන් කරන ලදි.

උතුර , උතුරු මැද සහ වයඹ පළා‍ත්වල සහ ත්‍රිකුණාමලය දිස්ත්‍රික්කයේ විටින් විට වැසි හෝ ගිගුරුම් සහිත වැසි ඇති විය හැකි බව එම දෙපාර්තමේන්තුව පවසන ලදි.

ඇතැම් ස්ථානවලට මිලිමීටර් 50ට වැඩි තරමක තද වැසි ඇතිවිය හැකි වේ.

මධ්‍යම , සබරගමු සහ බස්නාහිර සහ දකුණු පළාත්වලත් වැසි වාර කිහිපයක් ඇතිවිය හැකි බව සඳහන් වන අතර උතුර, උතුරු මැද සහ වයඹ පලාත්වල සහ ත්‍රිකුණාමලය දිස්ත්‍රික්කයේ විටින් විට හමන පැයට කිලෝමීටර් 50ත් 60ත් දක්වා වන තද සුළං ඇතිවිය හැකි වේ.

මධ්‍යම සහ දකුණු පළාත්වල විටින් විට හමන පැයට කිලෝමීටර් 40ත් 50ක් දක්වා වන තරමක තද සුළං ඇතිවිය හැකි බවද කාලගුණ විද්‍යා දෙපාර්තමේන්තුව වැඩිදුරටත් සඳහන් කරන ලදි.

තද සුළං මගින් සිදුවන අනතුරු අවම කරගැනීමට අවශ්‍ය පියවර ගන්නා ලෙස කාලගුණ විද්‍යා දෙපාර්තමේන්තුව ජනතාවට දැනුම් දෙනු ලබයි.