තායි රාජා සහ කණ්ඩුල හස්ථීන්ගේ සෞඛ්‍ය තත්ත්වය හා පෝෂණය පිළිබඳ වාර්තාවක්!

COLOMBO (News 1st) - දළදා මාළිගාව භාරයේ සිටින තායි රාජා සහ කැළණිය රජමහා විහාරය භාරයේ සිටින කණ්ඩුල හස්ථියාගේ සෞඛ්‍ය තත්ත්වය හා පෝෂණය පිළිබඳ විමර්ශනයට පත් කළ කමිටුවේ වාර්තාව පරිසර අමාත්‍යංශට භාර දී තිබේ.

තායිලන්ත පරිත්‍යාගයක් ලෙස ලැබුණු එම ඇතුන් දෙදෙනා සම්බන්ධයෙන් එරට රජය යම් විමසීමක් කළ හොත් ලබාදීම සඳහා එම වාර්තාව සකස් කළ බව නියෝජ්‍ය අමාත්‍ය ඇන්ටන් ජයකොඩි සඳහන් කළේ ය.

වන ජීවි දෙපාර්තමේන්තුවේ පශු වෛද්‍යවරුන් හා සත්වෝද්‍යාන දෙපාර්තමේන්තුවේ පශු වෛද්‍යවරුන් සිව් දෙනෙකුගේ සහභාගිත්යෙන් එම වාර්තාව සකස් කෙරුණි.

නියෝජ්‍ය අමාත්‍යවරයා ප්‍රකාශ කළේ එම ඇතුන් දෙදෙනාගේ තත්වය පිළිබඳ විමසීමට තායිලන්ත පරිසර අමාත්‍යවරයා මේ සතියේ දිවයිනට පැමිණෙන බවට දැනුම් දී තිබුණද මේ වනවිට එම සංචාරය කල් දමා ඇති බවය.