වත්තලදී, විදුලි සැර වැදී පුද්ගලයෙකු මරුට

COLOMBO (News 1st) - වත්තල මාබෝල ප්‍රදේශයේදී විදුලි සැර වැදී පුද්ගලයෙකු මියගොස් තිබේ.

පොලීසිය සදහන් කළේ, ගොඩනැගිල්ලක ඉහළ මහලේ ඉදිකිරීම් සිදුකරමින් සිටින අතරතුර ඒ ආසන්නයේ පැවති අධි බලැති විදුලි රැහැනක ගැටී ඔහු මියගොස් ඇති බවයි.

මියගොස් ඇත්තේ, වත්තල හැඳල පදිංචි 55 හැවිරිදි පුද්ගලයෙකි.

සිද්ධිය සම්බන්ධයෙන් වත්තල පොලීසිය වැඩිදුර විමර්ශන සිදුකරනු ලබයි.