පාස්කු ප්‍රහාරය සම්බන්ධයෙන් ප්‍රකාශයක් දීමට සජින් වාස් CIDය හමුවට.

COLOMBO (News 1st) - පාස්කු ඉරුදින ත්‍රස්ත ප්‍රහාරයට අදාළව සිදුවන විමර්ශනයට අදාළව ප්‍රකාශයක් ලබා ගැනීම සදහා හිටපු පාර්ලිමේන්තු මන්ත්‍රි සජින් වාස් ගුණවර්ධන මහතා අද(08) පෙරවරුවේ අපරාධ පරීක්ෂණ දෙපාර්තමේන්තුව හමුවට පැමිණ තිබේ.

ඉන්දීය ඔත්තු සේවයකින් තමන්ට පාස්කු ප්‍රහාරය සම්බන්ධයෙන් දුරකථන ඇමතුම් ලැබී ඇතැයි හිටපු ජනාධිපති මෛත්‍රීපාල සිරිසේන මහතා ප්‍රකාශ ලබාදෙමින් මීට පෙර  සඳහන් කළේ ය.

පොලීසිය පැවසුවේ, අදාල දුරකතන අංක සම්බන්ධයෙන් සිදුකළ විමර්ශනයේදී එම ඇමතුම් සජින් වාස් ගුණවර්ධන මහතා විසින් ලබා දී ඇතැයි හෙළිවන බවයි.

ඒ සම්බන්ධයෙන් ඔහුගෙන් ප්‍රකාශ ලබා ගැනීම මේ වනවිට සිදුවන බව, පොලීසිය ප්‍රකාශ කළේ ය.