ශ්‍රේෂ්ඨාධිකරණ නඩු කටයුතුවලට අදාළ ගෙවීම්, දැන් කාඩ් පත් මගින්...

COLOMBO (News 1st) - මහජනතාව විසින් අධිකරණ පද්ධතියට කරනු ලබන ගෙවීම් ස්වයංක්‍රීයකරණය කිරීම සඳහා මූලික පියවරක් වශයෙන් කාඩ්පත් ගනුදෙනු පහසුකම් අධිකරණ පද්ධතියට හඳුන්වාදීම, අගවිනිසුරු ප්‍රීති පද්මන් සූරසේන මහතාගේ ප්‍රධානත්වයෙන් අද (10) ශ්‍රේෂ්ඨාධිකරණ පරිශ්‍රයේදී සිදුවිය.

මේ හරහා ඉදිරියේදී මහේස්ත්‍රාත් අධිකරණයේ සිට ශ්‍රේෂ්ඨාධිකරණය දක්වා වන අධිකරණ දඩ ගෙවීම්, නඩු ගාස්තු, මුද්දර ගාස්තු, සහතික පිටපත් ගාස්තු යන සියලු ගෙවීම් කාඩ්පත් මගින් හා මාර්ගගත ගෙවීම් පද්ධතිය හරහා ගෙවීම් සිදුකිරීමට මහජනතාවට පහසුකම් හිමිවේ.

ඒ අනුව නීතිඥවරුන්ට සහ මහජනතාවට ශ්‍රේෂ්ඨාධිකරණ නඩු කටයුතු හා ගෙවීම් සිදු කිරීමේදී DEBIT සහ CREDIT කාඩ් මගින් ගෙවීමේ පහසුව අද සිට ලබා දී ඇත.