බ්‍රැඩ්මන්ගේ 'බෑගී කොළ' තොප්පිය

සර් ඩොනල්ඩ් බ්‍රැඩ්මන් 1946-47 අළු බඳුන තරගාවලියේදී පැළඳ සිටි 'බෑගී කොළ' තොප්පියට ලැබුණු වටිනාකම

by Staff writer 30-08-2025 | 12:59 PM

COLOMBO(News1st) - 1946-47 අළු බඳුන තරගාවලියේදී ඕස්ට්‍රේලියාවේ හිටපු ටෙස්ට් නායක සර් ඩොනල්ඩ් බ්‍රැඩ්මන් විසින් පැළඳ සිටි 'බෑගී කොළ' තොප්පිය (Baggy Green Cap)  ඕස්ට්‍රේලියාවේ ජාතික කෞතුකාගාරය විසින් ඕස්ට්‍රේලියානු ඩොලර් 438,550 කට (ආසන්න වශයෙන් අමෙරිකානු ඩොලර් 287,000ක්) මිලදී ගෙන ඇත.

ටෙස්ට් තරගවලදී 99.94 ක සාමාන්‍යයක් වාර්තා කළ සර් ඩොනල්ඩ් බ්‍රැඩ්මන්, දෙවන ලෝක යුද්ධයෙන් පසු පැවති පළමු  අළු බඳුන තරගාවලියේදී මෙම තොප්පිය පැළඳ සිටීම විශේෂත්වයක්.

ඒ අනුව, සර් ඩොනල්ඩ් බ්‍රැඩ්මන් විසින් ක්‍රීඩා කරන කාලයේ පැළඳ සිටි  'බෑගී කොළ' තොප්පි 11න් එකක් මේ වනවිට තිබෙන්නේ කැන්බරාහී පිහිටි ඕස්ට්‍රේලියාවේ ජාතික කෞතුකාගාරයේයී.