විවිධ පුද්ගලයින්ගෙන් රුපියල් ලක්ෂ 250කට වැඩි මුදලක් වංචා කළ සැකකරුවෙකු හැටන් ප්‍රදේශයේදී අත්අඩංගුවට

COLOMBO(News1st) - විවිධ පුද්ගලයින්ගෙන් රුපියල් ලක්ෂ 250 කට වැඩි මුදලක් වංචාකල සැකකරුවෙකු හැටන් ප්‍රදේශයේදී අත්අඩංගුවට ගෙන තිබේ.

එලෙස අත්අඩංගුවට ගෙන ඇත්තේ, 41 හැවිරිදි කදුරුවෙල පදිංචි පුද්ගලයෙකි.

පොලීසිය පැවසුවේ සැකකරු අසර්බයිජානයේ රැකියා ලබා දෙන බව පවසා පුද්ගලයින්ගෙන් රුපියල් ලක්ෂ 12 කට අධික මුදලක් වංචා කර ඇති බවයි.

මීට අමතරව විවිධ සමාජ සේවා සිදුකරන පුද්ගලයන් හා සම්බන්ධ වී එම පුද්ගලයන් නමින් බැංකු ගිණුම් ආරම්භ කර එම ගිණුම් වෙත සමාජ ක්‍රියාකාරිකයන් මගින් මුදල් බැර කර‍වාගෙන මෙම මුදල් වංචා කර ඇති බවද පොලීසිය සඳහන් කළේ ය.

පොලීසිය පැවසුවේ, සැකකරු දිවයිනේ විවිධ ප්‍රදේශවල මෙවැනි මුදල් වංචා කර ඇති බවට දැනට කරන ලද විමර්ශනවලදී හෙළිව ඇති බවයි.

සැකකරුගේ එම වංචා ක්‍රියාවලට හසුවූ පුද්ගලයින් වෙතොත් හැටන් විශේෂ අපරාධ විමර්ශන අංශයේ ස්ථානාධිපතිවරයාට දැනුම් දෙන ලෙසද පොලීසිය ඉල්ලීමක් කර තිබේ.