වර්ජනය පැවතියත් ලංගම බස් සේවා සාමාන්‍ය පරිදී! සාකච්ඡාවක් දෙන තෙක් වර්ජනය අත් නොහරින බවට වෘත්තීය සමිතිවලින් ප්‍රකාශයක්.

COLOMBO (News 1st) - වැඩ වර්ජනයක් පැවතියද බස් සේවා සාමාන්‍ය පරිදි ක්‍රියාත්මක බව ශ්‍රි ලංකා ගමනාමන මණ්ඩලය පවසයි.

එහි නියෝජ්‍ය සාමාන්‍යාධිකාරී එච්.ආර්.ටී චන්ද්‍රසිරි මහතා සඳහන් කළේ,  දෛනිකව බස් රථ 4600ක් පමණ ධාවනය වන බවයි.

ඊයේ(28) දිනයේ ඉන් බස් රථ 4500 කට ආසන්න සංඛ්‍යාවක් ධාවනය වූ බව ඔහු සඳහන් කළේ ය.

මේ අතර ලංගම වෘත්තිය සමිති කිහිපයක් ආරම්භ කළ වැඩ වර්ජනය අද(29) දිනයේත් ක්‍රියාත්මක වේ.

ජාතික සේවක සංගමයේ ලංගම සම ලේකම් රංජිත් සොයිසා මහතා සඳහන් කළේ, ඒකාබද්ධ කාලසටහන් ක්‍රියාත්මක කිරීමේදී ඇතිවන ගැටලු කිහිපයක් මුල් කර ගනිමින් එම වැඩ වර්ජනය ආරම්භ කළ බවයි.