පූජ්‍ය අතුරලියේ රතන හිමි සැප්තැම්බර් 12 දක්වා රිමාන්ඩ්

COLOMBO (News 1st) - හිටපු පාර්ලිමේන්තු මන්ත්‍රී පූජ්‍ය අතුරලියේ රතන හිමියන්, ලබන 12 වැනිදා දක්වා රක්ෂිත බන්ධනාගාරගත කිරීමට නුගේගොඩ මහේස්ත්‍රාත් අධිකරණය නියෝග කළේ ය.

ඒ, කොළඹ අපරාධ කොට්ඨාසයේ පවරා ඇති නඩුවක් අද(29) විභාගයට ගත් අවස්ථාවේදීයී.

2020 වසරේ මහ මැතිවරණයෙන් අපේ ජන බල පක්ෂයට ජාතික ලැයිස්තු මන්ත්‍රී ධුරයක් හිමිවිය.

බලපෑම් එල්ල කර එම මන්ත්‍රී ධුරය ලබාගැනීම සදහා අපේ ජන බල පක්ෂයේ මහ ලේකම් පූජ්‍ය වේදිනිගම විමලතිස්ස හිමියන් පැහැරගෙන ගොස් රඳවා තබා ගැනීම සම්බන්ධයෙන් පූජ්‍ය අතුරලියේ රතන හිමියන්ට චෝදනා එල්ල වී තිබේ.