හිටපු අමාත්‍ය රාජිත සේනාරත්න ලබන මස 09 වැනිදා දක්වා රක්ෂිත බන්ධනාගාරගත කිරිමට කොළඹ මහේස්ත්‍රාත් අධිකරණයෙන් නියෝග

COLOMBO (News 1st) - හිටපු අමාත්‍ය රාජිත සේනාරත්න  ලබන මස 09 වැනිදා දක්වා රක්ෂිත බන්ධනාගාරගත කිරිමට කොළඹ මහේස්ත්‍රාත් අධිකරණය නියෝග කළේ ය.

ඒ ඔහු අද(29) කොළඹ ප්‍රධාන මහේස්ත්‍රාත් අසංග එස් බෝදරගම මහතා හමුවට ඉදිරිපත් කිරිමෙන් අනතුරුවයි.

ඔහුට එරෙහිව මහාධිකරණය හමුවේ විභාග වන වෙනත් නඩුවකට අදාළව අද පෙරවරුවේ විවෘත අධිකරණයේ පෙනී සිටියේය.

එහිදි කොළඹ මහාධිකරණ විනිසුරු ලංකා ජයරත්න මෙනවිය නියෝග කළේ, රාජිත සේනාරත්න මහතා බන්ධනාගාර නිලධාරීන් භාරයට පත්කර කොළඹ මහේස්ත්‍රාත් අධිකරණයට ඉදිරිපත් කරන ලෙසයි.