අපරාධකරුවන්ගේ රුපියල් බිලියන 4.5ක දේපළ තහනම් - පොලීසිය

COLOMBO (News 1st) - සංවිධානාත්මක අපරාධකරුවන් සතු රුපියල් බිලියන 4.5 ක් පමණ වටිනා දේපළ තහනම් කළ බව, පොලීසිය පවසයි.

බස්නාහිර උතුර භාර නියෝජ්‍ය පොලිස්පති නිශාන්ත ද සොයිසා මහතා සඳහන් කළේ, ඔවුන්ට අයත් නිවාස, වාහන, වෙළෙඳ සැල්, ඉඩම්, බැංකු ගිණුම් ඇතුළු දේපළ රැසක් ඒ අතර වන බවයි.

ඊට අදාළ නීතිමය ක්‍රියාමාර්ග විධිමත් කිරීම සඳහා වන අපරාධයකින් උත්පාදිත දේපළ පිළිබඳ කෙටුම්පත, පසුගියදා පාර්ලිමේන්තුවේදී සම්මත විය.

ඒ අනුව ඉදිරියේදී අපරාධයකින් උත්පාදිත දේපළ පිළිබඳ විමර්ශන කොට්ඨාසය පිහිටුවීමට නියමිත බව, නිශාන්ත ද සොයිසා මහතා සඳහන් කළේ ය.