අක්‍රීයව තිබූ ධීවර විශ්‍රාම වැටුප් ක්‍රමවේදය, ලබන මාසයේ සිට යළි ආරම්භ කිරීමට සැලසුම් - කෘෂිකාර්මික හා ගොවිජන රක්ෂණ මණ්ඩලය

COLOMBO (News 1st) - අක්‍රීයව තිබූ ධීවර විශ්‍රාම වැටුප් ක්‍රමවේදය, ලබන මාසයේ සිට යළි ආරම්භ කරන බව, කෘෂිකාර්මික හා ගොවිජන රක්ෂණ මණ්ඩලය පවසයි.

එහි සභාපති ප්‍රේමසිරි ජාසිංහආරච්චි මහතා සඳහන් කළේ, ඒ සඳහා සුදුස්සන් හඳුනා ගැනීම මේ වන විට සිදුකරන බවයි.

ධීවර විශ්‍රාම වැටුප් ක්‍රමවේදය අක්‍රීයවන අවස්ථාව වන විට ධීවරයින් 60,000ක් පමණ එම ප්‍රතිලාභ ලබාගනිමින් සිටි බව, ජාසිංහආරච්චි මහතා ප්‍රකාශ කළේ ය.