බස් රථයක් සහ ලොරි රථයක් ගැටී 27කට තුවාල..

මින්නේරිය ප්‍රදේශයේදී බස් රථයක් සහ ලොරි රථයක් ගැටී 27කට තුවාල..

by Staff writer 12-08-2025 | 9:12 AM

COLOMBO (News 1st) - මින්නේරිය - බටුඔය පාලම අසල බස් රථයක් ටිපර් රථයක ගැටී සිදුවූ අනතුරින් පුද්ගලයින් 27 දෙනෙකු තුවාල ලබා තිබේ.

පොලීසිය පැවසුවේ, මාදුරුඔය සිට කොළඹ බලා ධාවනයවූ බස් රථයක් හා ටිපර් රථයක් අද අළුයම 3ට පමණ එලෙස ගැටී ඇති බවයි.

අනතුරින් තුවාල ලැබූවන් අතර බස් රථයේ හා ටිපර් රථයේ රියදුරුන්ද වේ.

තුවාල ලැබූවන් පොලොන්නරුව හා හබරණ රෝහල්වලට ඇතුලත් කර ඇතැයි පොලීසිය සඳහන් කළේ ය.

පොලීසිය පැවසුවේ, තුවාල ලැබුවන් පස් දෙනෙකුගේ තත්ත්වය බරපතල බවයි.