ආනන්ද විජේපාලගේ ලේකම්වරයෙකු ලෙස පෙනී සිටිමින් මහරගම පොලිස් ස්ථානාධිපතිට දුරකතන ඇමතුම් දුන් අයෙක් අත්අඩංගුවට..

COLOMBO (News 1st) – අත්අඩංගුවට ගත් පුද්ගලයෙකු නිදහස් කර ගැනීමට මහරගම පොලිස්ථානාධිපතිවරයාට දුරකතන ඇමතුම් දී බලපෑම් කළ පුද්ගලයෙකු අත්අඩංගුවට ගෙන තිබේ.

පොලීසිය සඳහන් කළේ, මහජන ආරක්ෂක අමාත්‍ය ආනන්ද විජේපාල මහතාගේ ලේකම්වරයෙකු ලෙස පෙනී සිටිමින් ඔහු මහරගම පොලිස්ථානාධිපතිවරයාට දුරකතන ඇමතුමක් ලබාදී ඇති බවයි.

මත්ද්‍රව්‍ය ළඟා තබා ගැනීමේ සිද්ධියක් සම්බන්ධයෙන් අත්අඩංගුවට පත්වූවෙකු මුදා ගැනීම සඳහා එලෙස බලපෑම් කර ඇති බව පොලීසිය ප්‍රකාශ කළේ ය.