ශ්‍රී ලංකා - බංග්ලාදේශ තීරණාත්මක එක්දින ක්‍රිකට් තරගය අද

COLOMBO (News1st) - සත්කාරක ශ්‍රී ලංකාව  සහ  බංග්ලාදේශ කණ්ඩායම් අතර තීරණාත්මක තුන්වැනි එක්දින ක්‍රිකට් තරගය අද(08) පැවැත්වේ.

කොළඹ ආර්. ප්‍රේමදාස ජාත්‍යන්තර ක්‍රිකට් ක්‍රීඩාංගනයේ පැවති පළමු එක්දින ක්‍රිකට් තරගය ලකුණු 77කින් ශ්‍රී ලංකා කණ්ඩායම ජය ගනු ලැබීය.

දෙවැනි තරගය ලකුණු 16කින් ජය ගත්තේ බංග්ලාදේශ කණ්ඩායමයි.

ඒ අනුව තරගාවලිය ජයග්‍රහණය කිරීමට නම් අද තරගයේ ජයග්‍රහණය කණ්ඩායම් දෙකටම අතිශය වැදගත් වේ.

මහනුවර, පල්ලෙකැලේ ජාත්‍යන්තර ක්‍රිකට් ක්‍රීඩාංගණයේදී පැවැත්වෙන තරගය අද(08) පස්වරු 02.30ට ආරම්භ කිරීමට නියමිතයි.