කණ්ඩායම් 1,100ක සහභාගීත්වයෙන් දිස්ත්‍රික් 16ක අද සිට ජාතික මදුරු මර්දන සතිය ඇරඹේ...

COLOMBO (News1st) - දිස්ත්‍රික්ක 16 ක අද(30) සිට ක්‍රියාත්මක ජාතික මදුරු මර්දන සතිය සඳහා කණ්ඩායම් 1,100 ක් යොදවා ඇතැයි ජාතික ඩෙංගු මර්දන ඒකකය පවසයි.

එහි ප්‍රජා වෛද්‍ය විශේෂඥ ප්‍රශිලා සමරවීර මහතා පැවසුවේ, අවදානම් සෞඛ්‍ය වෛද්‍ය නිලධාරී කොට්ඨාශවල, අවධානම් ප්‍රදේශවල මෙම වැඩපිළිවෙළ ක්‍රියාත්මක බවයි.

ජාතික මදුරු මර්දන සතිය අද(30) සිට සිට ජූලි 5 වැනිදා දක්වා ක්‍රියාත්මකයි.

වසරේ මේ දක්වා කාලය තුළ ඩෙංගු රෝගීන් විසි අටදහසක් පමණ වාර්තා වී ඇති අතර සිදුවූ ඩෙංගු මරණ සංඛ්‍යාව 16කි.