ජාතික අධ්‍යාපන ආයතන⁣යේ අධ්‍යක්ෂකවරයෙක් කොටු

ශිෂ්‍යත්ව ප්‍රශ්න පත්‍රයේ ගැටලුවට ජාතික අධ්‍යාපන ආයතන⁣යේ අධ්‍යක්ෂකවරයෙක් CID අත්අඩංගුවට..

by Staff writer 23-09-2024 | 2:46 PM

COLOMBO ( News 1st ) - 5 ශ්‍රේණියේ ශිෂ්‍යත්ව විභාගයේ පළමු ප්‍රශ්න පත්‍රයේ ප්‍රශ්න කිහිපයක් පිටවී ඇතැයි කියන සිද්ධිය සම්බන්ධයෙන් ජාතික අධ්‍යාපන ආයතනයේ අධ්‍යක්ෂකවරයෙක් අත්අඩංගුවට ගෙන තිබේ.

ඒ, අපරාධ පරීක්ෂණ දෙපාර්තමේන්තු නිලධාරීන් විසින්.

සැකකාර අධ්‍යක්ෂකවරයා අද (23) කඩුවෙල මහේස්ත්‍රාත්වරයා හමුවට ඉදිරිපත් කිරීමට නියමිත බව අපරාධ පරීක්ෂණ දෙපාර්තමේන්තුව සඳහන් කළේ ය.

පසුගිය 15 වැනිදා පැවති 05 වන ශ්‍රේණිය ශිෂ්‍යත්ව විභාගයේ පිළිතුරුපත්‍ර ඇගයිම් කටයුතු තාවකාලිකව අත්හිටුවා තිබේ.

ඒ , විභාගයේ පළමු ප්‍රශ්න පත්‍රයේ ප්‍රශ්න කිහිපයක් විභාගයට පෙර පිටවූ බව කියන සිද්ධිය සම්බන්ධයෙන් අපරාධ පරීක්ෂණ දෙපාර්තමේන්තුව කරන පරීක්ෂණ අවසන් වන තෙක්.

5 ශ්‍රේණියේ ශිෂ්‍යත්ව විභාගයේ පළමු ප්‍රශ්න පත්‍රයේ ප්‍රශ්න තුනක් ඉවත් කිරීමට ද, විභාග දෙපාර්තමේන්තුව පසුගියදා තීරණය කළේ ය.